តាមរយៈប្រភព Sportbible បានចុះផ្សាយថា Manchester United ជិតយកបានកីឡាករចំណូលថ្មីទី ៤ នៅរដូវក្តៅនេះគឺខ្សែប្រយុទ្ធ Matheus Cunha របស់ក្រុម AtleticoMadrid។ ស្ថានភាពរបស់ Manchester United ពេលនេះកំពុងត្រូវការខ្សែប្រយុទ្ធថ្មី ដែលមានគុណភាពបន្ថែមទៀតបន្ទាប់ពីចាប់ផ្តើមរដូវកាលថ្មីនៃក្របខណ្ឌ Premier League ពួកគេធ្វើមិនបានល្អនោះទេ ពោល ២ ប្រកួត ពួកគេចាញ់ទាំង ២ ប្រកួត និងមានគ្រាប់បាល់ជំពាក់រហូតដល់ទៅ៥ គ្រាប់ឯណោះ។ បន្ថែមពីនេះទៅទៀតយោងតាមការចុះផ្សាយរបស់ TalkSPORT បានឱ្យដឹងថា Manchester United ជិតឈានដល់កិច្ចព្រមព្រៀងក្នុងការផ្ទេរយកកីឡាករវ័យ ២៣ ឆ្នាំ Cunha ពីក្រុម Atletico Madrid ហើយ,ដោយខ្សែប្រយុទ្ធសញ្ជាតិ ប្រេស៊ីល រូបនេះនឹងមានតម្លៃផ្ទេរប្រមាណ ៥០ លានដុល្លារអាមេរិក៕ ប្រភព៖ TalkSport & Sportbible