ទស្សទាយប្រកួត

ក្រុមបិសាចក្រហម Man Utd នឹងបើកទ្វា Old Trafford ទទួលរាក់ទាក់ក្រុម សត្វរំពេរ Brighton នាយប់នេះវេលាម៉ោង៨។ ក្រុម Man Utd បានបញ្ចប់រដូវកាលដោយមិនលេង Champions League រដូវកាលនេះ។ ដោយភាពបរាជ័យនេះ ក្រុមបិសាចក្រហមបានតែងតាំងគ្រូបង្វឹកថ្មី ដែលជាអតីតគ្រូបង្វឹក Ajax គឺលោក Erik Ten Hag ដែលមានជោគជ័យខ្លាំងនៅក្លឹបចាស់។ ដោយមានគ្រូបង្វឹកថ្មីរូបនេះ ក្រុមបិសាចក្រហមបានប្តូរពីការលេងគ្មានបែបបទ មកជាការលេងគ្រប់គ្រងបាល់បានច្រើន និងឡើងទៅលើខ្ពស់ដើម្បីផ្តល់សម្ពាធដល់គូប្រកួត។ យ៉ាងណាក្តីក្រុម Brighton ជាក្រុមតូចតែមិនងាយស្រួលក្នុងការយកឈ្នះនោះទេ។ ប្រវត្តិជួបគ្នារដូវកាលមុននៃក្រុមទាំងពីរគឺ Man Utd 2-0 Brighton និង Brighton 4-0 Man Utd។ ដោយបិសាចក្រហមលេងបានល្អក្រោមគ្រូថ្មី ហើយការគ្រប់គ្រងបាល់ក៏ល្អជាងមុនឆ្ងាយ ថែមទាំងនៅក្នុងដី ដូចនេះខ្ញុំយល់ថា បិសាចក្រហមនឹងឈ្នះដោយលទ្ធផល Man Utd 3-0 Brighton។