Ajax ត្រូវបានគេរាយការណ៍ថាចង់ចុះហត្ថលេខាឡើងវិញលើខ្សែបម្រើស្លាបរបស់ Chelsea កីឡាករ Hakim Ziyech ដើម្បីជំនួសតំណែង Antony ដែលចាកចេញទៅ Manchester United។
Manchester United បានឈានដល់ការចុះហត្ថលេខាជាផ្លូវការក្នុងការទិញកីឡាករ Antony បន្ទាប់ពីបានយល់ព្រមលើតម្លៃខ្លួន ១០០លានអុឺរ៉ូជាមួយនឹងក្រុមម្ចាស់ជើងឯកហូឡង់ក្លឹប Ajax។ Antony នឹងធ្វើដំណើរទៅកាន់ Old Trafford ឆាប់ៗនេះជាមូលហេតុដែល Ajax ចាប់ផ្តើមស្វែងរកអ្នកជំនួស Antony ហើយ Ziyech ត្រូវបានកំណត់ជាជម្រើសរបស់ Ajax។
យោងតាម Daily Mail បានឱ្យដឹងថា Ajax កំពុងកំណត់គោលដៅអតីតកីឡាកររបស់ពួកគេដែលបានចាកចេញពីក្លឹបនៅឆ្នាំ 2020 ទៅចូលរួមជាមួយ Chelsea ក្នុងកិច្ចព្រមព្រៀង 38 លានផោន។ ទោះបីជាយ៉ាងណាក៏ដោយភាគរយខ្ពស់ណាស់ដែល Ziyech អាចនឹងចេញពី Chelsea ដោយសារការមកដល់របស់ Raheem Sterling ធ្វើអោយគាត់មិនអាចមានពេលបង្ហាញខ្លួនគ្រប់គ្រាន់នោះទេ។ កីឡាករសញ្ជាតិម៉ារ៉ុករូបនេះនៅសល់កុងត្រារយៈពេល 3 ឆ្នាំទៅជាមួយ Chealsea និងបានក្លាយជាកីឡាករបម្រុងក្នុងការប្រកួតចំនួន 3 ប្រកួតក្នុងចំណោមការប្រកួត Premier League របស់ Chelsea ចំនួន 4 លើកមកនេះ។
ប្រភព៖ Sportsmole