Inter Miami របស់សហរដ្ឋអាមេរិក ត្រូវបានគេជឿថា ជាបេក្ខភាពនាំមុខគេក្នុងការទិញយកខ្សែប្រយុទ្ធឆ្នើម Lionel Messi នារដូវកាលក្រោយ

យោងទៅតាម​ The Athletic បានឲ្យដឹងថា Inter Miami ដែលមានលោក David Beckham ជាប្រធានក្លិប មានជំនឿចិត្តខ្ពស់ជាងក្រុមណាៗទាំងអស់ ក្នុងការចុះកុងត្រាជាមួយ Messi នៅរដូវក្តៅឆ្នាំ២០២៣ ដោយក្លិបយក្សនៅលីកកំពូលអាមេរិក Major League Soccer មួយនេះ ចង់បង្ហើយការចុះកុងត្រានៅប៉ុន្មាខែបន្ទាប់ទៀតនេះ ដោយរំពឺងថាកិច្ចព្រមព្រៀងអាចនិងបានសម្រេចក្រោយការប្រកួត World Cup នៅប្រទេសកាតា។

ដូចដែល Messi ផ្ទាល់ធ្លាប់និយាយ អនាគតរបស់គេជាមួយក្លិបអ្នកមាន PSG នៅតែមិនទាន់សម្រេចបានព្រោះបច្ចុប្បន្នរូបគេផ្តោតសំខាន់ទៅលើការប្រកួត World Cup ជាមួយក្រុមជម្រើសជាតិអាហ្សង់ទីន។ យ៉ាងណាក្តី Messi និងមិនចាកចេញពី PSG នាខែមករានោះឡើយ ទោះរូបគេមិនចុះកុងត្រាថ្មីជាមួយ Paris ក៏ដោយនោះ។ Paris Saint Germain កំពុងតែដុតដៃដុតជើងត្រៀមរៀបចំកុងត្រាពិសេសថ្មីជូន Messi ស្របពេលដែលក្លិប FC Barcelona ក៏កំពុងតែខ្នះខ្នែងនាំយកតារាឆ្នើមរបស់ខ្លួនមកកាន់ទឹកដី Camp Nou វិញ៕
ប្រភព : The Athletic