ខ្សែប្រយុទ្ធមុតស្រួចរបស់ Barcelona កីឡាករ​ Robert Lewandowski ត្រូវបានដាក់ឲ្យសម្រាកយកកម្លាំងក្នុងដំណើរទៅប្រកួតជាមួយ Viktoria Plzen ក្នុងជំនួបចុងក្រោយនៃការប្រកួតពានរង្វាន់ UEFA Champions League

ក្លិប FC Barcelona បានបញ្ជាក់យ៉ាងច្បាស់ថា Lewandowski និងមិនមានចំណែកជាមួយក្រុមក្នុងការប្រកួតទល់និង Viktoria Plzen នោះឡើយ ដោយខ្សែប្រយុទ្ធរូបនេះមិនមានឈ្មោះក្នុងបញ្ជីកីឡាករដែលធ្វើដំណើរទៅឈែកនោះឡើយ។ មូលហេតុចំបងនោះគឺ Lewandowski មានបញ្ហាខ្នង បូករួមទាំងតថភាពដែលការប្រកួតនេះមិនមានសារសំខាន់អ្វីនោះឡើយ ព្រោះ Viktoria Plzen បានធ្លាក់ចេញហើយ Barcelona និងត្រូវធ្លាក់ទៅពាន UEFA Europa League វិញ

ការសម្រេចចិត្តរបស់លោកគ្រូ Xavi ដែលមិនដាក់ Lewandowski ឲ្យចូលលេងមិនមានអ្វីចម្លែកនោះឡើយ ព្រោះ Barcelona មិនបានលេងដើម្បីអ្វីក្រៅពីបង្គ្រប់កិច្ចនោះឡើយ។ Barcelona បែរមកដាក់កីឡាករយុវជនជាច្រើន ដោយរបាយការណ៍ជាច្រើនបានលើកឡើងថា Pablo Torre អាចជាប់ជម្រើសដំបូងទៀតផង។ យ៉ាងណាក្តី​ Lewandowski និងចូលរួមជាមួយ Barcelona វិញក្នុងការប្រកួតទល់និងក្រុម Almeria ក្នុងការប្រកួតលីកកំពូលអេស្ប៉ាញ La Liga នាថ្ងៃសៅរ៍នេះ៕
ប្រភព: MARCA