យោងទៅតាម Sky Germany បានឲ្យដឹងថា Bayern Munich និងប្រឹងប្រែងឲ្យអស់ពីសមត្ថភាពដើម្បីនាំយកខ្សែប្រយុទ្ធក្លិបមាន់ខ្នាយមាស Tottenham Hotspur កីឡាករ Harry Kane នៅរដូវក្តៅក្រោយឲ្យទាល់តែបាន។

Fc Bayern Munich បានព្យាយាមទាក់ទងទៅភ្នាក់ងាររបស់​ Harry Kane ចាប់តាំងពីរដូវក្តៅមុនមកម្ល៉េះ ដោយអាចធ្វើឲ្យមានការសន្ទនាក្រៅផ្លូវការរវាងខាងក្លិប Bayern និង Kane។ ប៉ុន្តែពេលនោះ Harry Kane បានសម្រេចចិត្តថានៅបន្តអាជីពបាល់ទាត់ជាមួយក្រុម Spurs។
ក៏ប៉ុន្តែយ៉ាងណាក្តី ក្រុមយក្សអាឡឺម៉ង់ជឿថា គេអាចទាក់ទាញ Kane ឲ្យចូលរួមជាមួយខ្លួនបាន ដោយសារតែក្រុមមួយនេះជាក្រុមម្ចាស់ពាន Bundesliga ស្ទើរតែរាល់ឆ្នាំ ហើយជាក្រុមដែលល្អនិងមានសង្ឃឹមច្រើន ក្នុងការលើកពាន UEFA Champions League ផងនោះ៕
ប្រភព : Sky Germany