អធិរាជស Real Madrid រួចផុតពីពាក្យថាបរាជ័យដំបូងក្នុងរដូវកាលថ្មីនេះ និងមានឈ្មោះឡើងទៅវគ្គ១៦ក្រុមចុងក្រោយនៃការប្រកួត UEFA Champions League ជាមួយនិងការតាមស្មើចុងម៉ោង។

អធិរាជស Real Madrid ហាក់កំពុងតែស្លន់ស្លោ ក្រោយក្រុម Shakhtar Donetsk បាននាំមុខសឹងតែមួយតង់ពេញ។ ប៉ុន្តែ Antonio Rudiger បានពលី ដោយលោតតែតមួយក្បាល តាមស្មើនៅនាទីទី ៩០+៥ ដោយចុងក្រោយបានរងរបួសបែកឈាមនៅលើមុខ។ អ្វីដែលអ្នកគាំទ្រចាប់អារម្មណ៍ គឺឈាមដែលហូរចេញពីក្បាលរបស់ Rudiger បានធ្លាក់មកក្បែរ logo ក្រុម Real Madrid ហើយមានរូបរាងជាបេះដូងទៀតផង។

Real Madrid ហាក់ដូចជាមិនសូវធ្វើបានល្អឡើយសម្រាប់ការប្រកួតមួយនេះ​ ប៉ុន្តែ Real នៅតែបន្តដាក់សម្ពាធយ៉ាងខ្លាំងនៅតង់ទី២។ ខ្សែការពារដែលទើបផ្លាស់មកពីតោខៀវ Chelsea កីឡាករ Rudiger ត្រូវបានប្រើប្រាស់ជាកីឡាករសម្រាប់ប្រយុទ្ធមួយគ្រា ដោយពិតជាទទួលបានផលដូចដែលអ្វីដែល Carlo Ancelotti ចង់បាន។លទ្ធផល ១:១ នេះបានរុញច្រានម្ចាស់ពាន១៤សម័យ ឡើងទៅបន្តនៅវគ្គ ១៦ក្រុមចុងក្រោយ ដោយត្រូវធ្វើការធ្ងន់ក្នុងនាមជាក្រុមលើកពានរដូវកាលមុន។ យ៉ាងណាមិញ របួសរបស់ Rudiger មិនទាន់មានរបាយការណ៍ជាក់លាក់នៅឡើយ ខណះដែលការប្រកួត​ El Clasico និងមកដល់នៅចុងសប្តាហ៍នេះ៕
ប្រភព : ESPN